12 ივნისს, კოპენჰაგენში, დანიის და ფინეთის ნაკრებებს შორის მატჩის დროს მომხდარმა ამბავმა მთელი საფეხბურთო სამყარო გააერთიანა.
ინსტაგრამზე ამ ამბავს მარტინ ბრაითვაითი გამოეხმაურა:
„გუშინდელი ღამე იყო ჩემი ცხოვრების ერთ-ერთი ყველაზე საშინელი მომენტი. ჩემი ფიქრები კრისტიანთანაა, მის ცოლთან, ბავშვებთან და ოჯახთან. მადლობელი ვარ, რომ სტაბილურადაა და ცოცხალია. ახლა, სულ ესაა მთავარი. იმედი მაქვს მალე გნახავ მეგობარო“, – წერს ბრაითვაითი.
კრისტიან ერიქსენის მდგომარეობა ამჟამად სტაბილურია. ჯერ-ჯერობით უცნობია შეძლებს თუ არა დანიელი ფეხბურთელი კარიერის გაგრძელებას.
