24 წლის ქართველმა ფეხბურთელმა, ბექა მიქელთაძემ “ნიუკასლ ჯეტსის” პრესსამსახურთან ისაუბრა.
ბექა გრადაცვლილი მამის შესახებ საუბრობს, რომელსაც ყველა გატანილ გოლს უძღვნის:
„არ მიყვარს ამაზე საუბარი. ძალიან მძიმე იყო.
პირველი რამდენიმე დღე სხვაზე ვერაფერზე ვფიქრობდი. მამაჩემი ჩემთვის ყველაფერი იყო… ის იყო ჩემი მწვრთნელი, მეგობარი და მრჩეველი. მამა ჩემთვის ყველაფერი იყო.
მას უნდოდა რომ მეთამაშა ფეხბურთი, ამიტომ ყოველ დღე, როცა ვიღვიძებ, საკუთარ თავს ვეუბნები, რომ მისთვის უნდა ვითამაშო. მე ყოველთვის ვგრძნობ მას ჩემთან ერთად და რა თქმა უნდა, ყოველი ჩემი გატანილი გოლი მისთვის არის“.
მე ვარ ის, რაც ახლა ვარ მამაჩემის გამო.
ის (მისი მამა) ჩემთვის ძალიან მისაბაძი პიროვნება იყო. არა მხოლოდ კარიერული თვალსაზრისით, არამედ პიროვნული თვალსაზრისითაც.
მე მიყვარს ის, რასაც ვაკეთებ. ფეხბურთი ყოველთვის ჩემი დიდი გატაცება იყო. აი ასე გავიზარდე.
ვფიქრობ, ჩემი თამაშის ყველა კომპონენტი შეიძლება გაუმჯობესდეს და უკეთესი გახდეს. სწორედ ამისთვის ვვარჯიშობ. ჩვენ ყველანი ვმუშაობთ იმისთვის, რომ ყველა თამაშში უკეთესები ვიყოთ.” – განაცხადა მიქელთაძემ.
ბექამ ომის შესახებაც ისაუბრა:
„მსგავსი ვითარება საქართველოში გვქონდა და ვიცი, რა რთულია.
მე მყავს ბევრი უკრაინელი მეგობარი და ახლა მხოლოდ იმის დროა, რომ ჩემი სიყვარული და სოლიდარობა გამოვხატო უკრაინელი ხალხის მიმართ.
საქართველოში აღზრდა იოლი არ იყო, ბევრი მძიმე პერიოდი გადავიტანეთ. ეს გრძელი ამბავია, მაგრამ მე ძალიან ვამაყობ იმით, საიდანაც მოვდივარ.
მოხარული ვარ, რომ ავსტრალიელ ხალხს ესმის და რომ ისინი და დანარჩენი მსოფლიო ასევე მხარს უჭერენ უკრაინას.” – განაცხადა მან.
24 წლის თავდამსხმელმა გუნდზეც ისაუბრა:
“მე მხოლოდ იმას ვაკეთებ, რასაც მწვრთნელი მთხოვს.
ჩემი აქცენტი მხოლოდ იმაშია, რომ გუნდს მაქსიმალურად დავეხმარო. თუმცა ეს არის ყველას ყურადღება – ჩვენ ყველა ვცდილობთ დავეხმაროთ ერთმანეთს. ვცდილობ ვიპოვო სწორი სივრცეები და გამოვიყენო სწორი ტაქტიკა მიზნების მისაღწევად.
ეს ძალიან საინტერესო ფეხბურთის სტილია და მე ნამდვილად მსიამოვნებს, რომ გუნდის წევრი ვარ.
გარდა ამისა, ეს ადგილი მშვენიერია, სამწვრთნელო შტაბი გასაოცარია და ამ ყველაფრის ერთად შეკრება ჩემთვის კარგად მუშაობდა.” – თქვა ბექა მიქელთაძემ.
შეგახსენებთ, რომ 24 წლის ქართველი ფეხბურთელი ავსტრალიის ჩემპიონატის ბომბარდირთა დავაში 8 გოლით მე-2 პოზიციას იკავებს.
