დოჰას ტურნირის შემდეგ, სადაც როჯერ ფედერერი 400 დღიანი პაუზის შემდეგ კორტზე კვლავ გამოჩნდა და არცთუ ისე წარმატებულად, შვეიცარიელი ლეგენდა ტურნირებზე აღარ გამოჩენილა.
ალბათ შეხსენება საჭირო არ უნდა იყოს, რომ დოჰაში როჯერ ფედერერი ნიკოლოზ ბასილაშვილმა დაამარცხა და ქართველი ჩოგბურთელი საბოლოოდ ამ პრესტიჟული ტურნირის გამარჯვებულიც გახდა.
როჯერ ფედერერმა დოჰას შემდეგ, დუბაის წარმომადგენლობითი შეჯიბრი გამოტოვა, არ მონაწლეობს მონტე-კარლოს მასტერსზეც და ირკვევა, რომ შვეიცარიელი არც რომში იქნება.
იტალიის დედაქალაქში მასტერსი 10 მაისს იწყება და უკვე ცნობილია მონაწილეთა ვინაობაც. რომის მასტერსზე ტოპ 40-ის ყველა ჩოგბურთელი იქნება, გარდა როჯერ ფედერერისა.
რთული სათქმელია გრუნტის სეზონზე ვიხილავთ თუ არა კორტზე ფედერერს. მაისის ბოლო როლან გაროსი იღებს სტარტს და შესაძლოა რკინის როჯერიც თიხის საფარზე სწორედ პარიზში გამოჩნდეს.
