მონპელიეს ტურნირზე, რომელმაც სტარტი 22 თებერვალს აიღო, ნიკოლოზ ბასილაშვილის მეტოქე გაირკვა. „პრაიმსპორტმა“ ადრეც გამცნოთ, რომ ჩვენებური წილისყრის შედეგად საკვალიფიკაცო ეტაპიდან გადმოსულ ჩოგბურთელს ელოდებოდა.
მონპელიეს საკმაოდ წარმომადგენლობით ტურნირზე კი საკვალიფიკაციო შეჯიბრიდან ძირითად ბადეში 4 ჩოგბურთელი ჩაერთვება, რომელთაგან ერთ-ერთი სწორედ ნიკოლოზ ბასილაშვილის მეტოქე იქნება. ეს, ფრანგი მეჩოგნე გრეგორი ბარერე გახლავთ, რომელიც მსოფლიო რეიტინგის 113-ე ნომერია.
ნიკოლოზ ბასილაშვილი მომავალ მეტოქეს კორტზე ერთხელ უკვე დაპირისპირებია. ეს, 2016 წელს მეცის ტურნირზე მოხდა და მაშინ ქართველმა მეჩოგნემ იმარჯვა.
იმედია, ბასილაშვილი ბარერეს ბარიერს მონპელიეშიც გადალახავს, შემდეგ კი უკვე ტურნირზე პირველ ნომრად განთესილ ესპანელ რობერტო ბაუტისტა-აგუტთან ჯახი მოუწევს.
ნიკოლოზ ბასილაშვილის და გრეგორი ბარერეს დაპირისპირება 24 თებერვალს გაიმართება.
