ქართველი კალათბურთელი დუდა სანაძე ბებერ კონტინენტზე დაბრუნდა. საქართველოს ნაკრების ერთ-ერთი მნიშვნელოვანი ფიგურა ბოლოს ყატარში, კერძოს „ალ-ხორში“ თამაშობდა და იქაც გუნდის ერთ-ერთი ლიდერი იყო.
კალათბურთის ქომაგი ალბათ დაგვეთანხმება, რომ დუდა სანაძე ყატარში დიდხანს დასარჩენად არ გვემეტებოდა. მისი პოტენციალი ნამდვილად იმსახურებს იმას, რომ კარიერა კვლავ ევროპაში გაეგრძელებინა.
ასეც მოხდა. დუდა სანაძე ევროპულ კალათბურთს დაუბრუნდა და თანაც ისეთ ქვეყანაში, რომელიც სპორტის ამ სახეობაში ერთ-ერთ მოწინავედ ითვლება. ჩვენებური ახალი გუნდი „ბორაცია“, რომელიც მართალია ევროლიგაში არა, მაგრამ კონტინენტის სხვა ტურნირებზე სისტემატიურად მონაწილეობს. ამჟამად, სერბული გუნდი ადრიატიკის ლიგაზე ასპარეზობს.
დუდა სანაძე „ბორაცში“ მინიმუმ სეზონის ბოლომდე დარჩება, შემდეგ კი შესაძლოა კონტრაქტის გაგრძელებაც მოხდეს.
