დუდა სანაძის “ბორაცი” ადრიატიკის ლიგის ახალი სეზონისთვის მზადებას განაგრძობს.
სერბულ კლუბს მორიგი საკონტროლო მატჩები მიმდინარე კვირაში მონტენეგროში ჰქონდა დაგეგმილი, მაგრამ კოვიდ 19-ის ტესტების შემდეგ გაირკვა, რომ კოვიდი ორ კალათბურთელსა და პერსონალის ერთ-ერთ წევრს დაუდასტურდა.
მზადებამდე “ბორაცმა” 5 საკონტროლო მატჩი ჩაატარა და საქართველოს ნაკრების კალათბურთელმა მონაწილეობა ყველაში მიიღო. დუდამ ჯამში 58 ქულა დააგროვა.
შეგახსენებთ, რომ სანაძე “ბორაცში” გასულ სეზონში ჩაირიცხა.
ადრიატიკის ლიგის ახალი სეზონი სტარტს 24 სექტემბერს აიღებს, ქართველი კალათბურთელის გუნდი კი პირველ მატჩს 25 სექტემბერს “იგოკეასთან” ჩაატარებს.
