სუმოს წლის პირველი სუპერტურნირი ჰაცუ ბაშო იაპონიის დედაქალაქ ტოკიოში იმართება. სასიამოვნოა, რომ ის ქართველი გულშემატკივრებისთვის სასიხარულოდ დაიწყო და ლევან გორგაძემ მონღოლი ტამავაში დაამარცხა.
ეს რიკიშები ძველი მეტოქეები არიან და ტამავაში ტოჩის უხერხულ მეტოქედ ითვლება. ბრძოლა ტრადიციულად დაძაბული გამოვიდა, მონღოლს მოგების შანსიც ჰქონდა, თუმცა ქართველმა სუმოტორმა ბოლო მომენტში მეტოქე შემოატრიალა და დოჰიოდან გადაიყვანა.
მეორე საჭიდაო დღეს ტოჩინოშინის მეტოქე მე-5 მაეგაშირა ოკინოუმი იქნება, ურთიერთშეხვედრებში 35 წლის იაპონელს ქართველი 9:7-ს ამარცხებს.
