ჩემპიონთა ლიგა მნიშვნელოვან ფაზაში შედის. სულ მალე პლეიოფის დაპირისპირებები აიღებს სტარტს, რომელთაგან ბევრი ფაქტორი გამო განსაკუთრებულ ყურადღებას „პსჟ“-ს და „ბარსელონას“ ჯახი იწვევს. წყვილის უპირობო ფავორიტის დასახელებისგან ალბათ ყველა თავს შეიკავებს, რადგან ორივე გუნდი არაერთი ვარსკვლავით არის დაკომპლექტებული.
ამასობაში გაირკვა, რომ ფრანგული გრანდი ამ მნიშვნელოვან დაპირისპირებას დიდი დანაკლისით შეხვდება. კატალონიელებთან მატჩში თავის გუნდს ანხელ დი მარია ვერ დაეხმარება. ეს ფაქტი „პსჟ“-ს მთავარმა მწვრთნელმაც დაადასტურა.
„დიახ, სამწუხაროდ ანხელი ბარსელონასთან პირველ მატჩში გამოგვაკლდება. მან მარჯვენა ფეხზე დაზიანება მიიღო და სამედიცინო შტაბის ვერდიქტით ის მცირე ხნით იუქმებს“ – ამბობს მოურისიო პოჩეტინო.
შეგახსენებთ, „ბარსელონას“ და „პსჟ“-ს შორის ჩემპიონთა ლიგის პირველი 1/8 ფინალური მატჩი კატალონიის დედაქალაქში 16 თებერვალს გაიმართება.
