ბუნდესლიგის მორიგ ტურში დორტმუნდის „ბორუსიამ“ მნიშვნელოვანი ქულები დაკარგა. ერლინგ ჰალანდმა და კომპანიამ „კიოლნს“ სტუმრად ვერ მოუგო და ფრედ 2:2 ითამაშა.
ნორვეგიელმა ტალანტმა დუბლი კი შეასრულა, მაგრამ დორტმუნდელებს გასამარჯვებლად მაინც არ ეყო. ამის გამო ჰალანდი მატჩის შემდეგ ძალიან გაღიზიანებული ჩანდა. როგორც გერმანული მედია იუწყება, ნორვეგიელი ფორვარდი გასახდელისკენ მიმავალ გზაზე ძალზედ აჯაგრული ჩანდა და თავის აგენტსაც კი დაურეკაო.
საქმე იმაშია, რომ შესაძლოა დორტმუნდი გაისად ჩემპიონთა ლიგის მიღმა დარჩეს. არა, ჯერ ბუნდესლიგის დასრულებამდე კიდევ საკმაო დროა და ოთხეულშიც მოხვედრა სავსებით რეალურია, რადგან ჩამორჩენა მხოლოდ 4 ქულაა, მაგრამ ჰალანდი თადარიგს მაინც აქედანვე იჭერს.
გერმანულთან ერთად, ამ საკითხს ესპანური გამოცემებიც ეხებიან. მაგალითად პოპოლარული AS-ის ცნობით, ერლინგ ჰალანდმა კლუბს ულტიმატუმი წაუყენა, რომ თუ დორტმუნდი მომავალ სეზონში ჩემპიონთა ლიგაზე არ იქნება, ისიც გუნდს აუცილებლად დატოვებს.
შეგახსენებთ, მიმდინარე სეზონში დორტმუნდი უკვე ჩემპიონთა ლიგის მეოთხედფინალშია და „მანჩესტერ სიტისთან“ მძიმე დაპირისპირებები ელის.
