ორლანდო მეჯიქში დიდი წმენდაა. ნიკოლა ვუჩევიჩის და ალ-ფარუქ ამინუს შემდეგ, გუნდი მცველმა აივან ფურნიემ დატოვა, ფრანგი კარიერას ბოსტონ სელტიკსში გააგრძელებს.
როგორც ინსაიდერი ედრიან ვოჯნაროვსკი იუწყება, სელტიკსი 28 წლის კალათბურთელის შესაძენად ფლორიდაში, გუნდის მეორე რაუნდის ორ არჩევანს გაუშვებს.
ამ სეზონში ფურნიე საშუალოდ თამაშში 19,7 ქულას და 3,7 შედეგიან გადაცემას ასრულებს, სამქულიანი ზონიდან ის 38,8%-ით ისვრის. ზაფხულში ფრანგი შეუზღუდავი თავისუფალი აგენტი ხდება და მასაჩუსეტსელები სავარაუდოდ მის გუნდში დატოვებას შეეცდებიან.
