ეროვნული ლიგა 2-ის დაწყებიდან სამი ტურის შემდეგ, დებიუტანტმა გარეჯმა გუნდის კაპიტანი, 37 წლის მეკარე მინდია ბობღიაშვილი შემადგენლობიდან გარიცხა.
18 მარტს, მე-3 ტურის მატჩში, რუსთავმა სტუმრად გარეჯი 3-0 დაამარცხა. სამივე გოლი მისი უცნაური მოქმედებების შემდეგ გავიდა.
კლუბმა ბობღიაშვილის გარიცხვის ინფორამცია Facebook-ის ოფიციალურ გვერდზე გაავრცელა და აღნიშნა, რომ მისი საქციელი უღირსი იყო.
„ძვირფასო გულშემატკივრებო! მინდია ბობღიაშვილი, ს.კ გარეჯის მეკარე, ფეხბურთელისთვის უღირსი საქციელის გამო გათავისუფლებულია გუნდიდან! კლუბის ხელმძღვანელობის სახელით ბოდიშს გიხდით მისი უღირსი საქციელისთვის!“ – ნათქვამია კლუბის განცხადებაში.
