UFC 259-ზე სუპერმსუბუქი წონის საჩემპიონო ბრძოლაში პეტრ იანისა და ალჯამეინ სტერლინგის ბრძოლა სკანდალურად დასრულდა. მეოთხე რაუნდის მიმდინარეობისას რუსმა სპორტსმენმა ალჯოს მიმართ აკრძალული მოძრაობა გამოიყენა, რის გამოც დისკვალიფიკაცია მიიღო და საჩემპიონო ქამარიც იამაიკელ მებრძოლს დარჩა.
Aljamain Sterling is the NEW UFC Bantamweight Champion after this illegal knee disqualified Petr Yan #UFC259pic.twitter.com/lQ6ITgu9ip
— Spinnin Backfist (@SpinninBackfist) March 7, 2021
ცნობისთვის უნდა ითქვას, რომ UFC-ის ქართველი მებრძოლი, მერაბ დვალიშვილი და ალჯამეინ სტერლინგი ახლო მეგობრები არიან, რომლებიც ამავდროულად ერთ კლუბშიც ვარჯიშობენ. ბრძოლის დასრულების შემდეგ მერაბ დვალიშვილმა Instagram-ზე ალჯოსთან და საჩემპიონო ქამართან გადაღებული ფოტო გამოაქვეყნა და მეგობარს სუპერმსუბუქი წონის ჩემპიონობა მიულოცა.
ბრძოლის დასრულების შემდეგ პეტრ იანმა აკრძალული მოძრაობის გამოყენების გამო Twitter-ზე საბოდიშო წერილი გამოაქვეყნა, თუმცა როგორც ჩანს რუსი მებრძოლი საჩემპიონო ქამრის დაკარგვას ვერ ეგუება.
მერაბ დვალიშვილის Instagram-ზე სურათის გამოქვეყნების შემდეგ, პეტრმა ქართველ მებრძოლს დაუკომენტარა და მას და ალჯოს „კლოუნები“ უწოდა.
ამავდროულად, რუსმა მებრძოლმა საკუთარ ანგარიშზე აღნიშნული სურათი განათავსა, წარწერით – „ნუ იღელვებთ, მას ყველაფერი რიგზე აქვს“.
მერაბის პასუხმაც არ დააყოვნა, მოგვიანებით კი ქართველმა მებრძოლმა Facebook-ზე განცხადება გაავრცელა და პეტრ იანს უღირსი სპორტსმენი უწოდა.
„პიტერ იანის კიდევ უღირსი საქციელი რაც კიდევ ერთხელ ამტკიცებს რომ უღირსი სპორტსმენია და ცუდი მაგალითი მომავალი თაობისთვის“, – აცხადებს დვალიშვილი.
ამავე პოსტში მერაბი პეტრ იანს მიმართავს:
„პეტრ იან, შენ Twitter-ზე ბოდიში მოიხადე, მაგრამ შენი ნამდვილი ფერები ამ სურათზე აჩვენე. შეწყვიტოს შენმა მენეჯერმა წერა და ისწავლეთ წესები, სანამ რემატჩი იქნება“, – ამბობს ქართველი სპორტსმენი.
რაც შეეხება ალჯოს პოზიციას, იამაიკელმა მებრძოლმა იანს ცუდი ადამიანი უწოდა და განაცხადა, რომ რუსისგან მუხლის ჩარტყმას არ ელოდა.
„ყველაფერი ისე არ წავიდა, როგორც მსურდა. მე ბრძოლაში გამარჯვება მინდოდა. ეს იყო თანაბარი, კონკურენტუნარიანი და მოქმედებით სავსე ბრძოლა.
მგონია, რომ მუხლი განზრახ დამარტყა, როდესაც რეფერიმ გაგვაჩერა და ჩავიმუხლე, დარტყმას არ ველოდი.
იანი ცუდი კაცია! ჩვენ კიდევ ერთხელ შევხვდებით!“ – დაწერა ალჯომ ტვიტერზე.
Not the way I ever want to win a fight. It was close, competitive and filled with action. I felt the knee was intentional, especially after the ref announced I was a downed opponent, so I didn’t expect to be hit.
Yan is a bad dude! WE WILL DO IT AGAIN!#UFC259— Aljamain Sterling (@funkmasterMMA) March 7, 2021
