ხოსეპ ბარტომეუს სამარტოო საკანში დიდხანს ყოფნა არ მოუხდა. „ბარსელონას“ ყოფილი პრეზიდენტი ესპანელმა სამართალდამცავებმა 1 მარტს დააკავეს და 24 საათში გაათავისუფლეს, თუმცა დროებით.
ესპანური გამოცემების ცნობით, მოსამართლე ადრიანა ხილმა ბართომეუ ამ ეტაპზე უდანაშაულოდ ცნო და მასაც ციხის კარი გაუღო, მაგრამ ეს იმას არ ნიშნავს, რომ გამოძიება არ გაგრძელდება.
შეგახსენებთ, ხოსეპ ბარტომეუს კლუბის ბიუჯეტიდან დიდი ფული გაფლანგვაში ადანაშაულებენ, თუმცა ყველაფერი ამით არ იწურება. ბარტომეუს ასევე სოციალურ ქსელში ყალბი ექაუნთების შექმნას ედავებიან, რომლებსაც ის სათავისოდ ანუ კლუბის პრეზიდენტობის პერიოდში საკუთარი გადაწყვეტილებების გასასამართლებლად და სხვების საკრიტიკოდ იყენებდა. როგორც ამბობენ, ამ საქმისთვის მან მილიონ ევროზე მეტი დახარჯაო.
საქმეს დამოუკიდებელი გამომძიებლები შეისწავლიან და მოსამართლეც საბოლოო გადაწყვეტილებიას ამის შემდეგ მიიღებს. ბარტომეუს ან ისევ ციხეში შეაბრუნებენ, ოღონდ ამჯერად გაცილებით დიდი ხნით ან გამართლდება.
