საქართველოს რაგბის კავშირის მორიგი ყრილობა, სადაც პრეზიდენტი უნდა აირჩიონ, 10 მარტს ჩაინიშნა.
ბოლო შეკრება 24 თებერვალს მოხდა, რომელიც ირაკლი აბუსერიძის მხარდამჭერების პროტესტის და იოსებ ტყემალაძესთან დაპირისპირების ფონზე მიმდინარეობდა, ქვორუმის ვერ შედგენის გამო ჩაიშალა.
მაშინ არჩევნებზე 24 სუბიექტი გამოცხადდა, საერთო ხმების რაოდენობა კი 42 იყო, ქვორუმისთვის კი საჭირო 51 ხმა იყო.
მოსალოდნელია, რომ 10 მარტს ჩანიშნული არჩევნებიც ხმაურის და დაპირისპირების ფონზე წარიმართება, თუმცა იოსებ ტყემალაძეს მხარდაჭერის იმედი აქვს. წინააღმდეგ შემთხვევაში, ის თავის კანდიდატურას აღარ წამოაყენებს.
