ფეხბურთს გულშემატკივარს კარგად ეცოდინება, რომ 2010 წლის შემდეგ უეფას თასს სახელწოდება გადაერქვა და ევროპა ლიგა გახდა.
უეფას რანგით მეორე საკლუბო ტურნირზე გუნდები უმეტესწილად ლაღად და თავისუფლად თამაშობენ, რაც ფეხბურთის მთავარი მშვენების – გოლის უმთავრესი საწინდარია.
ჰოდა, ასე იყო ამჯერადაც. ევროპა ლიგის მიმდინარე სეზონის 1/16 ფინალური ეტაპის განმეორებით მატჩებში ქომაგებმა გოლების წვიმით ისიამოვნეს. ჯამში 102 გოლი გავიდა, რაც ტურნირის ისტორიაში ერთ საუკეთესო მაჩვენებელია. ვგულისხმობთ პლეიოფის ამა თუ იმ ეტაპს და არა ჯგუფურ ტურნირს.
ნიშანდობლივია, რომ წინა რეკორდიც, 1/16 ფინალურს ეტაპზე შარშან დაფიქსირდა. მაშინ გუნდებმა 95 გოლი გაიტანეს.
