სანდრო მამუკელაშვილის „სეტონ ჰოლმა“ ამერიკის სტუნდეტურ ლიგაში მორიგი მატჩი გამართა. ქართველი კალათბურთელის გუნდი საკუთარ მოედანზე „დეპოლ ბლუ დეიმონსს“ შეხვდა და 8 ქულის სხვაობით, 60:52 გაიმარჯვა.
მორიგი გამორჩეული მატჩი ჩაატარა მამუკელაშვილმა. სანდრო მოედანზე ორივე გუნდის შემადგენლობაში საუკეთესო იყო და მეტოქეს ორმაგი დუბლი შეუსრულა. 21 წლის კალათბურთელმა საერთო ჯამში 38 წუთი ითამაშა და ამ დროის განმავლობაში 25 ქულა, 11 მოხსნა, 4 შედეგიანი გადაცემა, 2 ჩაჭრა და ამდენივე დაფარება მოაგროვა.
საგულისხმოა, რომ ამ თამაშის შემდეგ, მამუკელაშვილი თავისი კლუბის შემადგენლობაში 1000-ქულიან ნიშნულს გადასცდა. „სეტონ ჰოლში“ ჩატარებული პირველი მატჩიდან მოყოლებული, 21 წლის კალათბურთელმა ჯამში 1004 ქულა ჩააგდო, რაც კლუბის ისტორიაში მხოლოდ 44-მა კალათბურთელმა შეძლო.
