ალექსანდრე ზვერევმა მიმდინარე ავსტრალიის ღია პირველობა ნოვაკ ჯოკოვიჩთან დრამატულ მატჩში წაგებით დაასრულა და ალბათ ცუდ ხასიათზეც იქნება, თუმცა მწვანე კონტინენტიდან შინ დაბრუნებულს ახალი თავისტკივილი დახვდება.
გერმანელი მეჩოგნის ყოფილი შეყვარებული ოლგა შარიპოვა მას საშინელ ბრალდებას უყენებს და ლამის არის მკვლელობის მცდელობაშიც ადანაშაულებს. „მან ხელები გადამიგრიხა და ჩემს გაგუდვას ბალიშით ცდილობა“ – ამბობს შარიპოვა პრესასთან საუბარში.
ამ სკანდალურ განცხადებას ალბათ გაგრძელებაც აუცილებლად მოჰყვება და სამართალდამცავებიც ალექსანდრე ზვერევით დაინტერესდებიან. საქმე ალბათ სასამართლომდეც მივა და მტყუან-მართალიც იქ გაირკვევა.
ამასობაში, ალექსანდრე ზვერევს სოლიდარობას უცხადებს წარსულში გამოჩენილი ჩოგბურთელი ბორის ბეკერი, რომელიც გერმანიის ნაკრების კაპიტანიც გახლავთ.
„საშა შეიძლება თქვენ ან კიდევ ბევრს არ მოსწონდეს, მაგრამ ის უნდა დააფასოთ. მას გოგონას ცემაში ადანაშაულებთ? და თქვენ პირად ცხოვრებაში რა ხდება? ყველაფერი რიგზე გაქვთ?“ – წერს ბორის ბეკერი ტვიტერის საკუთარ გვერდზე.
