მიუნხენის „ბაიერნის“ მცველი, დავიდ ალაბა სეზონის ბოლოს გერმანულ კლუბს დატოვებს. ამის შესახებ ინფორმაცია როგორც ფეხბურთელმა, ასევე „ბაიერნმაც“ დაადასტურა.
„მივიღე გადაწყვეტილება, რომ სეზონის ბოლოს „ბაიერნს“ დავტოვებ. ცვლილებების და ახალი გამოწვევის დროა, ვეცდები ჩემს ცხოვრებაში სიახლის შემოტანას. ეს არ იყო მარტივად მისაღები გადაწყვეტილება. ამ კლუბში 13 წელი გავატარე და „ბაიერნი“ ჩემთვის ძალიან ბევრს ნიშნავს. ჯერჯერობით არ გადამიწყვეტია სად წავალ, ამ საკითხთან დაკავშირებით ჩემი მენეჯერი მუშაობს და ყველაფერი უახლოეს პერიოდში გაირკვევა. კლუბს ყველაფრისთვის მადლობას ვუხდი, „ბაიერნი“ ჩემი ოჯახია“, – განაცხადა ავსტრიელმა ფეხბურთელმა.
ბოლო ერთი წლის განმავლობაში უცხოურ პრესაში აქტიურად იწერება ალაბას მადრიდის „რეალში“ გადასვლის შესახებ. ამის გარდა, ავსტრიელ ფეხბურთელს სხვა გრანდებსაც უკავშირებენ, მათ შორის „ბარსელონას“, ლონდონის „ჩელსის“ და პსჟ-ს.
🗣️ @David_Alaba: "I have made the decision to leave #FCBayern at the end of this season and try something new. It obviously wasn't an easy decision – I've been here for 13 years and the club means a lot to me."#MiaSanMia pic.twitter.com/XJXIkSvYzb
— 🏆🏆🏆FC Bayern English🏆🏆🏆 (@FCBayernEN) February 16, 2021
