გადაწყვეტილი ამბავია. ვაკო ყაზაიშვილი კარიერას აზიაში გააგრძელებს. ადრეც ვწერდით, რომ საქართველოს ნაკრების ფეხბურთელი, რომელის ამერიკული „სან ხოსედან“ წამოსვლის შემდეგ უგუნდოდ იყო და ამა თუ იმ ვარიანტს ელოდებოდა, ყველაზე ახლოს სწორედ აზიის კონტინეტზე გადაბარგება გახლდათ.
ასეც მოხდა. ვაკო ყაზაიშვილმა არჩევანი სამხრეთ კორეულ გუნდ „ულსან ჰიუნდაიზე“ გააკეთა. ნიშანდობლივია, რომ აღნიშნული გუნდი 2020 წლის აზიის ჩემპიონთა ლიგის გამარჯვებულია. ასე რომ, ქართველი ფეხბურთელი ამ კონტინენტის საუკეთესო კლუბში ითამაშებს.
სხვადასხვა კორეული გამოცემების მტკიცებით, ვაკო ყაზაიშვილს კორეაში 16 თებერვალს ელოდებიან, რის შემდეგაც სავალდებულო კარანტინს გაივლის და კონტრაქტსაც ხელს მოაწერს. სადებიუტო მატჩს კი ახალი გუნდის მაისურით ყაზაიშვილი მარტის შუა რიცხვებში გამართავს.
შეგახსენებთ, ვაკო ყაზაიშვილმა არნემის „ვიტესის“ დატოვების შემდეგ მცირე ხნით ვარშავის „ლეგიაში“ ითამაშა, ხოლო ამერიკულ „სან ხოსეში“ 3 წელი დაჰყო.
