სპორტის მოყვარულთათვის უცხო არ უნდა იყოს, რომ არა მხოლოდ თანამედროვე, ზოგადად ყველა დროის ერთ-ერთი გამორჩეული ჩოგბურთელი რაფაელ ნადალი ფეხბურთის დიდი მოყვარულია. უფრო მეტიც – ის 12 წლამდე სულაც ჩოგბურთთან ერთად, საფეხბურთო სექციაშიც დადიოდა და რომ არა ბიძამისის, ტონი ნადალის მოწადინება შესაძლოა რაფა სამეფო სპორტში არც ყოფილიყო.
ამისთვის ტონი ნადალს აუცილებლად მადლობა ეკუთვნის, რადგან მან ნადალის სახით საჩოგბურთო სამყაროს ნამდვილი ვარსკვლავი აჩუქა.
ჩოგბურთის ქომაგებმა ალბათ ისიც იციან, რომ რაფა ფეხბურთის გულშემატკივარიცაა და მადრიდის „რეალის“ თავგადაკლული გულშემატკივარია. ამიტომაც, მას უცხოური პრესა ხშირად კომენტარის გაკეთებას საფეხბურთო თემების ირგვლივაც თხოვს.
პოპულარული ესპანურმა გამოცემა Marca ნადალს ლიონელ მესის და ბარსელონას შესახებ დაეკითხა. პრესაში გამოჟონილი ინფორმაციის თანახმად, კატალონიური გრანდი არგენტინელ ფორვარდს გუნდში 4 წლით დარჩენის სანაცვლოდ კოლოსალურ თანხად – 555 მილიონ ევროს სთავაზობს.
„არ მესმის ამ თემას დიდ დროს რატომ უთმობთ ან საერთოდ რას განიხილავთ? არის ერთი ფეხბურთელი, რომელიც თანამედროვე ფეხბურთის ვარსკვლავია და გამოიმუშავებს იმდენს, რამდენსაც მას საკუთარი გუნდი სთავაზობს და უღირს.
ბარსელონა მიიჩნევს, რომ ეს მათთვის მისაღები კონტრაქტია და ამაზე არავითარი კამათი არ უნდა იყოს. თავად გაარკვიონ მესისთან ურთიერთობა და ფინანსური საკითხები. ეს არავის საქმე არ არის“ – ამბობს რაფაელ ნადალი.
