თბილისის “დინამომ” თურქულ შეკრებაზე საბოლოო შეხვედრა ჩაატარა. კახა ცხადაძის გუნდმა ამხანაგურ შეხვედრაში ტაშკენტის “ფახთაქორი” გამანადგურებელი ანგარიშით, 0:3 დაამარცხა.
შეხვედრის მე-18 წუთზე სტანისლავ ბილენკიმ თბილისელები დააწინაურა და კახა ცხადაძის გუნდის მაისურით სადებიუტო გოლი გაიტანა.
მეორე ტაიმში გოლები ანრი მექვაბიშვილმა და ნიკოლოზ მალიმ გაიტანეს და თბილისელებმა მარტივ გამარჯვებას მიაღწიეს.
თბილისის “დინამო” ახალი სეზონის პირველ შეხვედრას 25 თებერვალს ქუთაისის “ტორპედოს” წინააღმდეგ ჩაატარებს.
