UFC-ის ქართველი მებრძოლი, გურამ ქუთათელაძე ხანგრძლივი პაუზის შემდეგ ოქტაგონს უბრუნდება. ამის შესახებ გურამმა სოციალურ ქსელში განაცხადა.
„მიღებული ტრავმის გამო წელიწადზე მეტია სახლიდან, ოქტაგონიდან შორს ვარ. მუხლის ოპერაციიდან 8 თვის შემდეგ შემიძლია ვთქვა, რომ ტრავმები დაძლეულია. ვიზასთან დაკავშირებული პრობლემებიც მალე მოგვარდება. მადლობა ღმერთს, ყველაფერი მისი წყალობითაა. მე ვბრუნდები და მოვემზადები შემდეგი ორთაბრძოლისთვის, რომელიც იმედია მალე იქნება. დიდი მადლობა თანადგომისთვის“, – წერს ქართველი მებროლი.
გურამ ქუთათელაძეს, MMA-ში 14 ბრძოლა აქვს გამართული, აქედან 12-ჯერ გაიმარჯვა, ორჯერ კი დამარცხდა. ქართველ მებრძოლს UFC-ში დებიუტი 2020 წელს ჰქონდა, სადაც პოლონელი მატეუშ გამროტი დაამარცხა.
შეგახსენებთ, რომ გურამ ქუთათელაძეს მომდევნო ორთაბრძოლა 14 მარტს, დონ მადჯის წინააღმდეგ უნდა გაემართა, თუმცა შეხვედრაზე უარის თქმა ტრავმის გამო მოუწია.
