პაპუნა ფონიავა მარტვილის მერანში ითამაშებს

27 წლის ფეხბურთელი, პაპუნა ფონიავა კარიერას მარტვილის “მერანში” გააგრძელებს. ინფორმაციას მეგრული გუნდი სოციალურ ქსელში ავრცელებს.

გამოცდილი ფეხბურთელი მარტვილურ გუნდს წყალტუბოს “სამგურალიდან” შეუერთდა.

27 წლის ნახევარმცველმა იმერულ გუნდში ჩატარებულ 43 შეხვედრაში 8 გოლი გაიტანა და 2 საგოლე გადაცემა შეასრულა.

ფონიავა მარტვილის “მერანის” აღზრდილია. გამოცდილმა შუახაზელმა 2011-2015 წლებში მეგრულ გუნდში ჩატარებულ 60 შეხვედრაში 5 გოლი გაიტანა და 5 საგოლე გადაცემა შეასრულა.

პაპუნას სხვადასხვა დროს ქუთაისის “ტორპედოში”, საჩხერის “ჩიხურაში”, ბათუმის “დინამოსა” და “რუსთავში” უთამაშია.