32 წლის ქართველმა ფეხბურთელმა ლევან კუტალიამ გასულ ტურში “რამათ ჰაშარნის” წინააღმდეგ ულამაზესი გოლი გაიტანა.
ქართველმა ფეხბურთელმა სოციალურ ქსელში საინტერესო განცხადება გაავრცელა, სადაც ქართველ გულშემატკივარს მოლოცვისთვის მადლობას უხდის:
“გამარჯობათ მეგობრებო ბევრი მილოცვის შეტყობინება მივიღე თქვენგან და სათითაოდ ვერ გწერთ იმდენი სმსი დამხვდა ძალიან დიდი მადლობა დაფასებითვის თბილი სიტყვებისთვის თქვენი გულშემატკივრობა და გვერდში დგომა ჩემთვის სასიამოვნო და სასუხარულოა მადლობა…. ფეხბურთელის კარიერა ხანმოკლეა და როცა ასეთ საოცარ გოლს იტან რომელიც ფეხბურთის ისტორიას დარჩება ორმაგად სამაყოა!ევროპის სხვადასვა ქვეყნების სოც მედიამ არხებმა ილაპარაკეს ჩემზე ჩემს გოლზე კარიერაზე ეს მართლაც რომ განსაკუთრებული დღეა ჩემს საფეხბურთო კარიერაში!!! პს ვბრძოლობთ ელიტაში მოსახვედრად და წინ ძალიან დაძაბული და საინტერესო ჩემპიონატია ასე რომ შრომას და თავდადებას არ დავაკლებ რომ კიდევ ბევრჯერ გავიტანო და გავახარო ჩემი გულშემატკივრები” – წერს კუტალია.
შეგახსენებთ, რომ 32 წლის ქართველმა ფეხბურთელმა მიმდინარე სეზონში 3 შეხვედრაში 3 გოლი გაიტანა.
