საქართველოს ჩოგბურთელთა ნაკრებმა ATP-ის თასზე გამოსვლა სენსაციური გამარჯვებით დაასრულა. ქართველმა ჩოგბურთელებმა საკუთარი გამოსვლის დასკვნით დღეს წყვილთა თანრიგში ციციპასი/პერვოლარაკისის წყვილი დაამარცხეს და შეიძლება ითქვას, რომ ტურნირზე კარი გაიჯახუნეს.
ალექანდრე ბაკშის და ალექსანდრე მეტრეველის დუეტმა ბრწყინვალე თამაში აჩვენა. პირველი სეტი ბერძნებმა 6:4 მოიგეს, მეორე სეტში კი ქართულმა დუეტმა 6:3 გაიმარჯვა და ანგარიში გაათანაბრა. გამარჯვებული ტაი-ბერიკმა გამოავლინა, რომელიც ნამდვილი თრილერის სცენარით წარიმართა. საბოლოოდ, ტაი-ბრეიკი ბაშკიმ და მეტრეველმა 16:14 მოიგეს.
ერთეულთა ჩათვლაში საქართველოს სახელით ნიკოლოზ ბასილაშვილიც გამოიდოდა, რომელიც სტეფანოს ციციპასს ხვდებოდა, თუმცა შეხვედრა მხოლოდ 26 წუთს გაგრძელდა. სამწუხაროდ, ნიკამ სუნთქვის პრობლემების გამო თამაში შეწყვიტა და გამარჯვება საბერძნეთის ნომერ პირველ ჩოგანს ჩაეწერა. მეორე შეხვედრაში კი ალექსანდრე მეტრეველი მიხაილ პერვოლარაკისთან ორ სეტში – 3:6, 2:6 დამარცხდა.
