საქართველოს ფეხბურთის ფედერაციის ყოველწლიური დაჯილდოება GFF Awards, შარშანდელის მსგავსად, მიმდინარე წელსაც ონლაინ რეჟიმში გაიმართა.
საქართველოს ფეხბურთის ფედერაციის პრეზიდენტმა ლევან კობიაშვილმა დაჯილდოვების დასრულების შემდეგ მედიასთან მცირე კომენტარი გააკეთა:
“პირველ რიგში ცხადია თითოეულ გამარჯვებულს მინდა წარმატება ვუსურვო და მივულოცო ეს პრიზი, ვინაიდან თითოეულ ნომინაციაში გამარჯვებულისთვის და ამავდროულად დიდი პასუხისმგებლობაცაა, ცხადია. მინდა თითოეულ მათგანს მივულოცო ეს გამარჯვება და ვუსურვო მომავალში უფრო და უფრო მეტი წარმატება ჰქონდეთ თითოეულ მათგანს.
მოლოდინი იმის, რომ მომდევნო 2022 წელი იყოს უკეთესი, ეს რა საკვირველია ყოველთვის გვაქვს და გვექნება, იმიტომ რომ ჩვენ ყოველთვის ვცდილობთ და ვმუშაობთ ყოველშემთხვევაში, რომ უკეთესები გავხდეთ თითოეული ჩვეთაგანი და მე ამის იმედი მაქვს, რომ მომდევნო წელი გაცილებით უკეთესი იქნება.“ – განაცხადა ლევან კობიაშვილმა.
