საქართველოს ნაკრებისა და “აპოელის” 28 წლის ფეხბურთელმა გიორგი ქვილითაიამ “ომონიას” წინააღმდეგ გოლი გაიტანა და ასისტი შეასრულა. კვიპროსის ჩემპიონატის მე-11 ტურის შეხვედრაში “აპოელმა” შინ “ომონია” მიიღო და ანგარიშით 4:2 დაამარცხა.
გიორგიმ შეხვედრის 47-ე წუთზე საგოლე გადაცემა შეასრულა, მატჩის 58-ე წუთზე კი თერთმეტმეტრიანი გაიტანა და თავისი გუნდის გამარჯვებაში უდიდესი წვლილი შეიტანა.
შეხვედრაში მონაწილეობა კიდევ ორმა ქართველმა ფეხბურთელმა მიიღო, მატჩის მე-19 წუთზე თორნიკე ოქრიაშვილი მოედნიდან გავიდა ბუბა დაუშვილი კი შემოვიდა.
გიორგი ქვილითაიამ კვიპროსის ჩემპიონატში 12 მატჩში 4 გოლი გაიტანა და 2 საგოლე გადაცემა შეასრულა.
