ესპანურ მედიაში ვრცელდებოდა ინფორმაცია, რომ “ვალენსიამ” საქართველოს ნაკრების მეკარე გიორგი მამარდაშვილი ვადაზე ადრე გამოისყიდა.
თუმცა ეს ინფორმაცია მცდარი აღმოჩნდა. როგორც საქართველოს პირველი არხი იუწყება “ვალენსიას” და “დინამო თბილისს” შორის მოლაპარაკება ტრანსფერის გამოსყიდვაზე ნამდვილად მიმდინარეობს, ესპანელები ქართველ მეკარესთან სრულფასოვანი ხელშეკრულების გაფორმებით დაინტერესებულები არიან, მაგრამ ჯერ კონტრაქტი არ გამოუსყიდიათ.
პირველი არხის ცნობით, ესპანელები მამარდაშვილის ტრანსფერს ივნისში გამოისყიდიან. ლაპარაკია კონტრაქტის გაფორმების 2, 3 ან 4-წლიან ხელშეკრულებაზე.
