საქართველოს ნაკრებმა მსოფლიოს ჩემპიონატის შესარჩევ ეტაპზე ჯგუფის ლიდერი შვედეთი ბათუმში ხვიჩა კვარაცხელიას დუბლით 2:0 დაამარცხა.
ესპანური გამოცემამ Mundo Deportivo-მ საქართველოს ნაკრების წარმატებას სტატია მიუძღვნა სათაურით: “კვარაცხელია, მოულოდნელი “ესპანელი” გმირი”.
“ხვიჩა კვარაცხელია სულ უფრო და უფრო ცნობილი ხდება და ყველაფერი იმაზე მიუთითებს, რომ მალე ახალგაზრდა ქართველი TOP 5 ჩემპიონატიდან რომელიმეში ითამაშებს.
დიდი პოტენციალის მქონე გარემარბი 20 წლის ასაკში უკვე საქართველოს ვარსკვლავია და საკუთარი თავი შვედეთის ნაკრების კარში გატანილი 2 გოლით კვლავ წარმოაჩინა, რითიც, დიდი სამსახური ესპანეთის ეროვნულ გუნდს გაუწია.
პირველი გოლის დროს კვარაცხელია ყველაზე ჭკვიანი გამოდგა და შვედების მიერ საკუთარ საჯარიმოში ცუდი თამაშით ისარგებლა, ზუსტად დაარტყა და ანგარიში გახსნა. მეორე გოლი კი ლამაზ დრიბლინგს მოაყოლა. გონიერი, ტექნიკური, სწრაფი ფეხბურთელია.
ახლა ის რუბინში თამაშობს, პრემიერლიგა ევროპის წამყვანი ჩემპიონატების დონეს ბევრად ჩამორჩება. კვარაცხელია რუსეთში ბოლო წუთებს ითვლის და ტრანსფერის საკითხი დროის ამბავია”, – წერს გამოცემა.
