საქართველოს ნაკრებმა მსოფლიოს ჩემპიონატის შესარჩევ ეტაპზე ჯგუფის ლიდერი შვედეთი 2:0 დაამარცხა.
მატჩის შემდეგ ზლატან იბრაჰიმოვიჩმა მედიის წარმომადგენლებთან კომენტარი გააკეთა და აღნიშნა, რომ იმედგაცრუებულია.
“ეს მატჩი უნდა მოგვეგო. ბევრი მომენტი შევქმენით და გოლიც უნდა გაგვეტანა, რაც ვერ შევძელით. ძალიან იმედგაცრუებული ვარ. ჩვენ საქართველოზე გაცილებით უკეთესები ვიყავით. არ აქვს მნიშვნელობა, როგორ ვითამაშეთ, მოსაგებად საკმარისი მომენტები გვქონდა”
“რა თქმა უნდა, გაბრაზებულები ვართ, ეს ნორმალურია. გამარჯვება ყველას გვინდოდა. მხოლოდ გოლები დაგვაკლდა. პირველ ტაიმში უნდა გამეტანა და ეს რომ გამეკეთებინა, შეხვედრასაც მოვიგებდით. გოლი რომ გაგვეტანა, განსხვავებული თამაში იქნებოდა და სხვა სურათს ვიხილავდით”, – თქვა იბრაჰიმოვიჩმა.
