უნგრეთის დედაქალაქ ბუდაპეშტში გამართულ ძიუდოისტთა ევროპის ჩემპიონატზე, გუნდურ შეჯიბრებაში საქართველოს ნაკრებმა რუსეთი 4:2 დაამარცხა და ჩემპიონის ტიტული მოიპოვა.
ლუკა კაპანაძემ და მარიამ ჭანტურიამ თავიანთი შეხვედრები სამწუხაროდ დათმეს. ნიკა ხარაზიშვილმა, ეთერ ლიპარტელიანმა, სოფიო სომხიშვილმა და საბა ინანეიშვილმა თავიანთი შეხვედრები მოიგეს და საქართველოს ნაკრები ჩემპიონი გახდა.
ქართველებმა 1/4 ფინალში ფრანგები დაამარცხეს, ნახევარფინალში უნგრელებს სძლიეს, ფინალში კი რუსეთის უძლიერესი ნაკრები დაამარცხეს და კონტინენტის ჩემპიონის ტიტული მოიპოვეს.
