პორტუგალიაში გიორგი აბუაშვილის დებიუტი შედგა. პორტუგალიის 19-წლამდე ჩემპიონატის მატჩში “პორტუმ” “რიუ ავეს” ესტუმრა და მინიმალური სხვაობით 1:0 დამარცხდა.
ქართველი გულშემატკივრებისთვის სასიამოვნო სიახლეა, რომ გიორგიმ ტრავმის შემდეგ პირველი მატჩი ჩაატარა, ახალგაზრდა ფეხბურთელმა “პორტოში” სადებიუტო შეხვედრაში მოედანზე 65 წუთი გაატარა.
გიორგი “პორტუს” B გუნდის წევრად მოიაზრებოდა, თუმცა როგორც ჩანს ტრავმის შემდეგ ფეხბურთელი სათამაშო პრაქტიკას 19-წლამდე გუნდში მიიღებს.
ასევე სასიამოვნო ინფორმაციაა, რომ გიორგი ახალგაზრდულ ჩემპიონთა ლიგაზე “პორტუს” განაცხადშია და შესაძლოა ქართველმა ფეხბურთელმა “მილანის” წინააღმდეგ ითამაშოს.
შეგახსენებთ, რომ 18 წლის აბუაშვილი პორტუგალიურ გრანდს სეზონის დასაწყისში თბილისის “დინამოდან” შეუერთდა.
