„როდესაც გული გამალებით ძგერს და სიყვარულით არის სავსე, შენ გზას ვეღარ შეცვლი. ამის გაკეთება ძალიან რთულია. მე კარგად ვიცი რას ნიშნავს მთელი კარიერა ატარო ერთი მაისური. ეს არც შენ მშვენივრად გესწავლება. ფეხბურთელისთის იმაზე უკეთესი არაფერია, როდესაც გუნდში თავს ისე გრძნობს, როგორც საკუთარ სახლში.
მინდა მოგილოცო ისტორიულ რეკორდამდე მიღწევა. ამას უბრალო გუნდში ვერ შეძლებდი, ამიტომ მინდა ბარსელონაში დიდებული კარიერაც მოგილოცო. იშვიათობაა, როდესაც ფეხბურთელი ერთი გუნდის ბოლომდე ერთგულია. შენ არაჩვეულებრივი და დიდებული ხარ. აღფრთვანებული ვარ“ – ეს სიტყვები ფეხბურთის მეფეს, პელეს ეკუთვნის.
ლეგენდარულმა ბრაზილიელმა ფეხბურთელმა, ლიონელ მესის მისი რეკორდის გამეორება მიულოცა. ესპანეთის ჩემპიონატის მე-14 ტურში, „ბარსელონამ“ სტუმრად „ვალენსიასთან“ ფრედ 2:2 ითამაშა, ერთი გოლი კი მესის შეაგდო. ამ მაჩვენებლით, არგენტინელი ვარსკვლავი ერთ კლუბში გატანილი გოლების რაოდენობით სწორედ პელეს გაუთანაბრდა.
დიადმა ბრაზილიელმა „სანტოსის“ რიგებში 643 გოლი გაიტანა, 2020 წლის 19 დეკემბერს კი იგივე ნიშნულს ლიონელ მესიმაც უწია.
