ყაზანის “რუბინმა” რუსეთის ჩემპიონატში შინ ნიჟნი “ნოვგოროდთან” წააგო. შეხვედრა განსაკუთრებით 20 წლის ქართველისთვის გამოდგ.ხვიჩამ მეორე ტაიმის დასაწყისში პენალტი გააფუჭა, მას მეკარემ აჯობა.
მატჩის შემდეგ მისმა თანაგუნდელმა, მეკარე იური დიუპინმა ხვიჩა გააკრიტიკა.
“ნიჟნი ნოვგოროდის თამაში გარჩეული გქონდა, მეტოქეს მომენტები მაშინ ექმნებოდა, როდესაც მეტოქის საჯარიმოში სამი კაცი ჰყავდა. ბუნებრივია, მათ წინააღმდეგ ოთხი მოთამაშე იყო საჭირო, რათა უპირატესობა გვქონოდა. მაგრამ გამწვავების დროს, ფლანგიდან საჯარიმოში ჩამოწოდებისას, ჩვენი 1-2 მოთამაშე რჩებოდა.
მაგალითად, ხვიჩა დღეს ძალიან ხშირად სიღრმეში იჭედებოდა. მან იცის, რომ შორეული ძელი უნდა დაკეტოს. ვეძახდი, ვეძახდი, მაგრამ იმ პენალტის შემდეგ ჩამოუშვა ცხვირი და საერთოდ აღარ თამაშობდა.
ვფიქრობ, მასთან ფსიქოლოგიურად დალაპარაკებაა საჭირო. ეს ფეხბურთია. დავუშვათ, ვერ გაიტანე პენალტი, წინ გაქვს კიდევ 30 წუთი, გააკეთე ყველაფერი, რომ გამოასწორო შეცდომა. მან კი თამაში შეწყვიტა. მიზეზი ბევრია, მაგრამ მე რაც დავასახელე, ის არის ძირითადი”, – თქვა დიუპინმა.
შეგახსენებთ, რომ ხვიჩა კვარაცხელიამ რუსეთის პრემიერლიგის მიმდინარე სეზონში 8 მატჩში ითამაშა, მის ანგარიშზე თითო გოლი და საგოლე პასია.
