ზაგრებში მიმდინარე ძიუდოს გრან-პრიზე საქართველოს ნაკრებს პირველი მედალი ტატო გრიგალაშვილმა მოუტანა. ახალგაზრდა ქართველი სპორტსმენი ტურნირის გამარჯვებული გახდა, ფინალში ტატომ ბრაზილიელი გილერმე შმიდტი ვაზარით დაამარცხა.
21 წლის სპორტსმენმა გამარჯვების შემდეგ მედიასთან ისაუბრა:
“ეს წარმატება მინდა მოგილოცოთ, რა თქმა უნდა ფედერაციას მინდა მივულოცო, მივულოცო ჩვენს დიქტორს, კარგად აცხადებს ხოლმე…. მინდა მივულოცო ჩემს ოჯახს, ჩემს მეუღლეს რა თქმა უნდა. ეს ტურნირი ძალიან მნიშვნელოვანი იყო, რადგან პირველი ნომერი ვარ და მინდა პირველ ნომრობა შევუნარჩუნო და ასევე თავდაჯერებულობისთვის და რწმენისთვის მაინც მჭირდებოდა ეს ტურნირი, ოლიმპიადის და მსოფლიოს ჩემპიონატის შემდეგ.
გულშემატკივარს მინდა მივმართო, რომ ვინც აგებს ყველაზე მეტად გვერდში დგომა სჭირდება მათ, დღეს ბიჭებმა წააგეს და მინდა, რომ დავუდგეთ მათ გვერდში და არამარტო დღეს, სულ ვინც წააგებს, რადგან შემდეგ მოიგოს და გახდეს გამარჯვებული მათ გვერდში დგომა სჭირდებათ და ერთად დავუგდეთ გვერდში.
მთავარი მიზანი უცვლელია, ჩვენს წინ არის მსოფლიოს ჩემპიონატი შემდეგ წელს, კიდევ ერთი მსოფლიოა და შემდეგ ოლიმპიადა, ჩემი დიდი მიზანია, რომ ამ სამი დიდი ტურნირის გამარჯვებული გავხდე და ღმერთის წყალობით მინდა რომ დასახული მიზნები გამომივიდეს”
შეგახსნებთ, რომ დასკვნით დღეს საქართველოს სახელით -90 კილოგრამ წონით კატეგორიაში ლუკა მაისურაძე იასპარეზებს.
