ყაზანის “რუბინის” სპორტულმა დირექტორმა ოლეგ იაროვინსკიმ ხვიჩა კვარაცხელიას ტრანსფერზე ისაუბრა. მან თქვა, რომ ქართველი ფეხბურთელით ოთხი გუნდი იყო დაინტერესებული, მაგრამ რუსულ კლუბს საბოლოო შეთავაზება არ მიუღია და ტრანსფერიც ამიტომ არ შედგა.
„ხვიჩა დიდი ფეხბურთელია, რომელიც აუცილებლად ითამაშეს დიდ ევროპულ კლუბში. უბრალოდ, ის მხოლოდ 20 წლისაა და ჯერ ერთი სეზონი ჩაატარა უმაღლეს დონეზე. ხდება ისე, რომ მოთამაშეები ეგრევე ვერ გადადიან დიდ გუნდებში. თვალწინ მაქვს ოდეგორის მაგალითი. ორჯერ იყო განათხოვრებული, შემდეგ დაბრუნდა „რეალში“ და მხოლოდ ახლა გააფორმა არსენალთან გრძელვადიანი კონტრაქტი. ცხადი იყო, რომ ის დიდ კლუბში ითამაშებდა, მაგრამ „რეალმა“ ორჯერ გაათანახოვრა.
ხვიჩა აუცილებლად წავა ევროპულ კლუბში და მისი ტრანსფერი დროის საკითხია. 4 გუნდი გვესაუბრა მასზე, მაგრამ საბოლოო შეთავაზებამდე საქმე არ მისულა. არცერთ გუნდს არ გამოუგზავნია ოფიციალური დოკუმენტი. ესეც ნორმალური და ლოგიკურია, რადგან თუ ასეთი ფეხბურთელისთვის მოლაპარაკებებში შედიხარ, გარიგებას საბოლოოდაც დახურავ“, – განაცხადა იაროვინსკიმ.
ხვიჩა კვარაცხელიას „რუბინთან“ კონტრაქტი 2024-წლამდე აკავშირებს, მიმდინარე სეზონში მან 6-ჯერ ითამაშა და გოლის გატანა მხოლოდ ერთხელ მოახერხა.
