მსოფლიოს ჩემპიონატის საკვალიფიკაციო ეტაპის მეოთხე შეხვედრაში საქართველოს ეროვნული ნაკრები ბათუმში კოსოვოს უმასპინძლებს.
ეროვნული გუნდის მთავარმა მწრთნელმა თამაშის წინ პრესკონფერენცია გამართა და მატჩის გარდა, ფეხბურთელების მდგომარეობასა და გუნდში შექმნილ ატმოსფეროზე ისაუბრა. პრესკონფერენციაზე იმყოფებოდა ოთარ კიტეიშვილიც, რომელმაც გუნდში არსებული მდგომარეობის, მოსამზადებელი პერიოდისა და მეტოქის შესახებ ისაუბრა.
ფიზიკურ ფორმაზე: “ყოველთვის ვცდილობ, რომ სანაკებო მატჩების წინ საუკეთესო ფორმაში ვიყო. ვფიქრობ, რომ ახლაც კარგ ფორმაში ვარ და იმედი მაქვს, ამ შეხვედრებში თავს კარგად წარმოვაჩენ.”
უმაყურებლო თამაშზე: “მინდოდა, რომ ხალხს ჩვენთვის ექომაგა, მაგრამ რეგულაციების გამო, ქომაგის გარეშე ვითამაშებთ, მაგრამ ამისთვისაც მზად ვართ.”
შეგახსენებთ, რომ საქართველოს ნაკრები კოსოვოსთან თამაშის შემდეგ, 5 სექტემბერს, ბადახოსში, ესპანეთს დაუპირისპირდება. სექტემბრის სანაკრებო შეკრებას “ჯვაროსნები” ქალაქ სოფიაში, ბულგარეთთან 8 სექტემბერს ამხანაგური მატჩით დაასრულებს.
