ულსან “ჰიუნდაის” ქართველი ფეხბურთელი ვაკო ყაზაიშვილი სამხრეთ კორეის ჩემპიონატის 27-ე ტურის საუკეთესო ფეხბურთელად დაასახელეს და ტურის სიმბოლურ ნაკრებში შეიყვანეს. ინფორმაციას სამხრეთ კორეის ჩემპიონატის ვებგვერდი ავრცელებს.
ვაკომ “სეულთან” მატჩში “ჰიუნდაის” დუბლით მოაგებინა (2:1). ვაკომ მეტოქის კარში გოლები 28-ე და 34-ე წუთებზე გაიტანა.
ვაკო ყაზაიშვილი სამხრეთ კორეაში შესანიშნავ სეზონს ატარებს. მან K ლიგაში 21 მატჩში 5 გოლი გაიტანა და 3 საგოლე პასი შეასრულა. აზიის ჩემპიონთა ლიგაზე კი ქართველი შემტევის ანგარიშზე 3 გოლი და 2 საგოლე პასია.
ვილი სანიოლმა ვაკო სექტემბრის მატჩებისთვის საქართველოს ნაკრებშიც გამოიძახა.
