საქართველოს ძალოსანთა ნაკრების ექიმმა გიორგი ჭინჭარაულმა თავის სოციალურ ქსელში საინტერესო განცხადება გააკეთა:
“02:42 საათია ტოკიოს დროით, სანამ რამენაირად დავიძინებ, იქამდე ორ სიტყვას დავტოვებ…
ანტონ პლესნოი არის ძალიან მტკიცე ხასიათის და უზომოდ მშრომელი სპორტსმენი. მისი დღევანდელი შედეგი განპირობებულია ყოველივე ზემოთ ხსენებულით.
ასანიძე არის შტანგისა და მათემატიკის ერთნაირად მცოდნე.
ზურა კახაბრიშვილი არის ჩემი მასწავლებელი და მამობილი, ჩვენ ვართ ექსტრემალები და “საველე პირობებში” საუკეთესოდ ვგრძნობთ თავს.
ცხრა წელი არის დრო, რომელიც ამ გუნდთან მაქვს გატარებული და ცოტა არაა.
ნდობა არის ის, რაც მომიტანა ამ წლებმა.. მენდობიან მწვრთნელები, სპორტსმენები და ზურა (ხანდახან ნერვებსაც მიშლიან)
ნდობამ განაპირობა ის, რომ დღეს ჩემი შეთავაზება შეჯიბრის დროს, ადგილობრივი ანესთეზიის გასაკეთებლად, წამიერად დამიდასტურა ასანიძემ.
ზუსტას 2 წუთში მოვახდინე რეაგირება და მესამე მისვლაზე , 210 კგს აკვრისას ანტონს შედარებით შეუმსუბუქდა ტკივილი, რამაც გაგვიყვანა ბრინჯაოს მედალზე.
ანტონს შეეძლო არც ანესთეზია გაეკეთებინა და არც ასულიყო ფიცარნაგზე, ვერავინ ვერაფერს ვეტყოდით.
ის გვვენდო ჩვენ და ჩვენ ეს ერთად შევძელით
ექიმი გმირია, მწვრთნელი საუკეთეოსა და ა.შ… კი! ასანიძე უმაღლესი კლასია , მეც ვარ რა, მადლობა. მაგრამ ეს იყო გუნდური შედეგი! აქ ცალ-ცალკე შესაძლოა არ გამოგვსვლოდა… ერთად გამოგვივიდა!
დიდი მადლობა ყველას. ვინც გვიგულშემატკივრეთ.
ლაშა დააგვირგვინებს 4 აგვისტოს, საქართველოს დროით 14:50 საათზე. – დაწერა ჭინჭარაული თავის სოციალურ ქსელში
