ყაზახეთის დედაქალაქ ნურ სულთანში ქალთა შორის საინტერესო საჩოგბურთო ტურნირი მიმდინარეობს, რომლის საპრიზო ფონდიც 60 ათასი დოლარია.
ამ შეჯიბრს დიდად ალბათ ყურადღებას არ მივაქცევდით, რომ არა ქართველი ჩოგბურთელი მარიამ ბოლქვაძე, რომელმაც ნურ სულთანის ტურნირი წარმატებით დაიწყო.
შეგახსენებთ, ბოლქვაძე ამავე ტურნირზე ცოტა ხნის წინაც მონაწილეობდა, თუმცა მაშინ საპრიზო ფონდი ნაკლებს – 25 ათასს შეადგენდა. ქართველი მეჩოგნე 1/4 ფინალში, გალინა შარიპოვასთან დაძაბულ ბრძოლაში, 3 სეტიან თრილერში დამარცხდა. აქვე ისიც ვთქვათ, რომ ბოლვაძემ წყვილთა თანრიგში იჩემპიონა.
ახლა კი მარიამ ბოქლვაძემ უზბეკ ჩოგბურთელთან სრულფასოვანი რევანში აიღო და გალინა შარიპოვა 6:2, 6:0 დაამარცხა. მომდევნო ეტაპზე ბოლქვაძე ყაზახ გოზაი აინიტდინოვას დაუპირისპირდება, რომელიც რეიტინგის 512-ე ნომერია.
