საქართველოს კალათბურთელთა ნაკრების თავკაცმა ილიას ზუროსმა უარით გაისტუმრა ესპანური სან პაბლო ბურგოსი, რომელიც მას მთავარი მწვრთნელის პოსტს სთავაზობდა.
ბურგოსელებს საკმაოდ წარმატებული სეზონი ჰქონდათ, რადგან ლიგა ენდესას პლეი ოფში ითამაშეს და ჩემპიონთა ლიგის მოგებაც შესძლეს.
Eurohoops.ne წერს, რომ ბერძენი სპეციალისტი სრულად არის კონცენტრირებული საქართველოს ეროვნულ ნაკრებში მუშაობაზე, რომელიც მომავალი ევრობასკეტის ერთ-ერთი მასპინძელია. სათქმელია ისიც, რომ ესპანური ლიგა ერთდროულად კლუბსა და ნაკრებში მუშაობას კრძალავს.
შეგახსენებთ, რომ 55 წლის ზუროსი საქართველოს კალათბურთელთა ნაკრებს 2016 წლიდან ავარჯიშებს, ზურგს კი უდიდესი გამოცდილება უმაგრებს. სანაკრებო დონეზე მას საბერძნეთშიც უმუშავია, მის მიერ გაწვრთნილი კლუბებიდან კი “ოლიმპიაკოსი”, “არისი”, “ჟალგირისი” და “ანადოლუ ეფესი” უნდა გამოვარჩიოთ.
