ბუდაპეშტში მიმდინარე ძიუდოისტთა მსოფლიო ჩემპიონატის მე-6 საშეჯიბრო დღეს 100 კგ წონით კატეგორიაში ილია სულამანიძემ და ვარლამ ლიპარტელიანმა ბრინჯაოს მედლები მოიპოვეს.
ილიამ მესამე ადგილისთვის ბრძოლაში კანადელი შადი ელჰანასი დამატებით დროში ვაზარით დაამარცხა.
ლიპარტელიანმა კი ნიდერლანდელი მაიკლ კორელი ჯერ ვაზარზე დასცა, შემდეგ კი შებოჭდა და სუფთა გამარჯვება ჩაითვალა.
შეგახსენებთ, რომ მიმდინარე მსოფლიოს პირველობაზე ქართული დელეგაციის ანგარიშზე 4 მედალია – 1 ოქრო, 1 ვერცხლი, 2 ბრინჯაო.
