გასულ სეზონში რუსეთის ჩემპიონატში ყველაზე მეტად ხვიჩა კვარაცხელიას ფასი გაიზარდა

Transfermarkt.com-მა რუსეთის პრემიერლიგის ფეხბურთელების სატრანსფერო ღირებულებები განაახლა.

ქვეყნის ჩემპიონატის 2020-2021 წლების სეზონში ყველაზე მეტად საქართველოს ეროვნული ნაკრებისა და ყაზანის „რუბინის“ შემტევის, ხვიჩა კვარაცხელიას ღირებულება გაიზარდა. თუ სეზონის სტარტზე ხვიჩას ფასი 4.5 მილიონი ევრო იყო, ახლა 20 წლის ფეხბურთელი 18 მილიონადაა შეფასებული (+13.5 მილიონი, +300%).

მეორე ადგილს მოსკოვის „სპარტაკის“ თავდამსხმელი, ჯორდან ლარსონი იკავებს, რომლის ფასმაც 4-დან 15 მილიონამდე მოიმატა, მესამე პოზიციაზე კი „ზენიტის“ ნახევარმცველი ვენდელია. ბრაზილიელი ღირებულება 8-დან 17 მილიონამდე გაიზარდა.

ტოპ-ხუთეული ასე გამოიყურება:

1. ხვიჩა კვარაცხელია (რუბინი) – 4.5-დან 18 მილიონამდე (+13.5 მილიონი, +300%)
2. ჯორდან ლარსონი (სპარტაკი) – 4-დან 15 მილიონამდე (+11 მილიონი, +275%)
3. ვენდელი (ზენიტი) – 8-დან 17 მილიონამდე (+ 9 მილიონი, +112,5 %)
4. ნიკოლა ვლაშიჩი (ცსკა) – 22-დან 30 მილიონამდე (+ 8 მილიონი, +36.4%)
5. სერდარ აზმუნი (ზენიტი) – 18-დან 25 მილიონამდე (+ 7 მილიონი, +38,9%)