საქართველოს პარლამენტის ახალი თავმჯდომარე კახა კუჭავა სპორტის და განსაკუთრებით ფეხბურთის დიდი მოყვარული ყოფილა. უფრო მეტიც – ის ტურირნის „იუვენტუსის“ ოფიციალური წევრია. ამის შესახებ მან გადაცემაში „სტუმრად ნოესთან“ ისაუბრა.
„დაღლილობის დროს ყველაზე უკეთ სპორტული აქტივობის დროს ვისვენებ. თითქოს ტვინი ითიშება და არ მაინტერესებს არც ტელეფონი და არც სხვა რამ. მოედანზე რომ შევდივარ და ვთამაშობ იქ სრულიად კონცენტრირებული ვარ, რომ სიამოვნება მივიღო და ფიზიკურად დავიხარჯო.
იუვენტუსის გულშემატკივარი ვარ. უფრო მეტიც – თითქმის 20 წელია კლუბის ოფიციალური წევრიც გახლავართ, ხოლო 2008 წლიდან უკვე საპატიო წევრიც. 1946-47 წლის ძველი ანტიკვარული ბურთიც მაქვს. ასევე ჩელსის ძალიან დიდი გულშემატკივარიც ვარ და ზოგადად ინგლისური ფეხბურთი ძალიან მიყვარს” – ამბობს კახა კუჭავა.
პარლამეტის თავმჯდომარე ექსტრემალური სპორტითაც არის გატაცებული. უყვერს სნოუბორდი და ხშირად ჯომარდობს.
„მხოლოდ ფეხბურთი არ არის, რაც მიყვარს. ვცდილობ სხვა სპორტის სახეობებითაც დავკავდე. მაგალითად, სნოუბორდი, ჯომარდობა და ა.შ.
ბატუტზეც კი დავიწყე სიარული. მინდოდა სალტოს გაკეთება მესწავლა. კი მეუბნებოდნენ მსგავსი რაღაცეებისთვის ძალიან მაღალი ხარო, მაგრამ ერთხელ გამომივიდა“ – თქვა გადაცემაში „სტუმრად ნოესთან“ კახა კუჭავამ.
