ევროპის სუპერლიგის დაარსებას არა მხოლოდ ფიფას და უეფას მაღალჩინოსნები ან ესა თუ ის გამოჩენილი მწვრთნელი, არამედ მოქმედი ფეხბურთელებიც არ უყურებენ კარგი თვალით.
ერთ-ერთი ასეთი რობინ გოსენსია. იტალიური „ატალანტას“ 26 წლის ფეხბურთელი მწვავე კრიტიკას არ ერიდება და ამ პროექტის იდეის ავტორებს და შექმნელებს ნამუსზე აგდებს.
„რა არის ფეხბურთის უმთავრესი ხიბლი? რატომ უყვარს ის მსოფლიოში მილიონობით ადამიანს? იმიტომ, რომ პატარა გუნდებს ყოველთვის ქჰონდათ და აქვთ შანსი გრანდები დაამარცხონ, ამით კი თავიანთ ქომაგებს დიდი სიხარული და ბედნიერება მიანიჭონ.
სწორედ ეს არის ფეხბურთის მთავარი არსი. სუპერლიგის დაარსებით კი ეს ყველაფერი კვდება. ფეხბურთი კარგავს თავის უნიკალურობას. ყველამ კარგად უნდა გაითავისოს, რომ ფეხბურთი ისეთი აღარ იქნება, როგორც იყო და ყველას უყვარდა.
მსოფლიოში უამრავი ადამიანი იღუპება სწორედ უფულობის და სიდუხჭირის გამო. აქ კი 12 გუნდი საკუთარ უკანალზე ფიქრობს და კიდევ უფრო გამდიდრება სურს.
სამწუხაროა იმის აღიარება, რომ ყველაფერს ისევ ფულთან მივყავართ. ფული, ფული და კიდევ ერთხელ ფული. დიდი იმედია მაქვს, რომ ფეხბურთის მილიონობით გულშემატკივარი გაილაშქრებს ამ პროექტის წინააღმდეგ და მეც მათთან ერთად ვიქნები“ – ამბობს „ატალანტას“ გერმანელი ფეხბურთელი.
