ვეტერანი ხორვატი ფეხბურთელი ისეთივე კარგი ადამიანი აღმოჩნდა, როგორიც ფეხბურთელია. ის რაც მარიო მანჯუკიჩმა გააკეთა ნამდვილად იმსახურებს უდიდეს დაფასებას.
საქმე იმაშია, რომ „მილანის“ 34 წლის ფორვარდმა მარტის ხელფასზე უარი თქვა. მიზეზს არ იკითხავთ? მანჯუკიჩმა ტრავმის გამო გასული თვის ყველა მატჩი გამოტოვა და სინდისმა არ გაუშვა ანაზღაურება მოეთხოვა.
ბუნებრივია, მილანური გუნდი მას ხელფასს მაინც ჩაურიცხავდა, თუმცა ეს თავად ხორვატმა ფეხბურთელმა არ ისურვა. გამოთავისუფლებული თანხა კი ქველმოქმედებას მოხმარდება.
„მარიო ნაბიჯი განსაკუთრებული ჟესტი იყო, რომელიც დაფასებას იმსახურებს. ეს ხაზს უსვამს მის ადამიანობა, ეთიკას და პროფესიონალიზმს.
მილანი ამ თანხას ქველმოქმედებას მოახმარს და რთულ ეკონომიკურ და საგანმანათლებლო ვითარებაში მყოფ ახალგაზრდებს დაეხმარება“ – აღნიშნავს მილანის პრეზიდენტი პაოლო სკალონი.
შეგახსენებთ, რომ მანჯუკიჩი „მილანს“ იანვარში, თავისუფალი აგენტის სტატუსით შეუერთდა და ტრავმის მიღებამდე „როსონერის“ მაისურით 4 მატჩის ჩატარება მოასწრო.
