სად გააგრძელებს კარიერას ერლინგ ჰალანდი? სად იქნება ნიჭიერი ნორვეგიელი ფორვარდის ახალი ნავსაყუდელი? რომელი გრანდი მოახერხებს მის გადაბირებას?
დორტმუნდის „ბორუსიას“ გენერალურ დირექტორს ჰანს იოახიმ-ვატსკეს ყელში ამოუვიდა ამდენი ჭორები და ყველაფერს ნათელი მოჰფინა.
„როდესაც კორონავირუსის პანდემიამ მთელ მსოფლიოს დაარტყა და გუნდები ფინანსურ კრიზისში აღმოჩნდნენ, ჩვენ ერთი ცენტიც არ გვქონია ვალი. აქედან გამომდინარე, ამ რთულ ვითარებას შედარებით კომფორტულად შევხვდით. არანაირი საფუძველი არ არსებობს ერლინგ ჰალანდს და ჯეისონ სანჩოს შეველიოთ.
ევროპის მდიდარმა ტოპ კლუბებმა უნდა იცოდნენ, რომ თუ მათ სურთ დორტმუნდიდან რომელიმე ფეხბურთელი შეიძინონ ამის მხოლოდ ორი ვარიანტი არსებობს.
პირველი – მე მათ უბრალოდ ვეტყვი, რომ ამის არანაირი შანსი არ გააჩნიათ, ხოლო მეორე შემთხვევაში თანხას დავუსახელებ. გინდათ ეს ფეხბურთელი? მაშინ გადაიხდით ამ ფულს.
ასე რომ, მინდა ყოველგვარ საუბარს წერტილი დაესვას. მე ზუსტად ვიცი მომავალ სეზონში სად ითამაშებს ერლინგ ჰალანდი“ – ამბობს დორტმუნდის ერთ-ერთი ხელმძღვანელი.
