ჩემპიონთა ლიგის 1/4 ფინალის პირველ მატჩში „მანჩესტერ სიტიმ“ რის ვაი-ვაგლახით მოიგო. „ქალაქელებმა“, რომლებიც წყვილის უპირობო ფავორიტათ ითვლებოდნენ დორტმუნდის „ბორუსიას“ მინიმალურად – 2:1 აჯობეს.
გერმანულ გუნდს ფრემდე სულ ცოტა დააკლდა. დორტმუნდელებმა გოლი 90-ე წუთზე გაუშვეს, თუმცა 1:2 ის ანგარიში არ არის განმეორებითი მატჩის წინ ცხვირჩამოშვებული იყო.
„სიტის“ დამრიგებელი პეპ გვარდიოლა შედეგით მთლად კმაყოფილი არ არის. მოგება მნიშვნელოვანია, თუმცა ესპანელი სპეციალისტი ხვდება, რომ წინ ძალზედ რთული განმეორებითი დაპირისპირება ელის.
„დღეს ძლიერი მეტოქე გვყავდა. დორტმუნდს მაღალი დონის შემსრულებლები ჰყავს. ერთმა მათგანმა ეს დაამტკიცა და გოლიც გაგვიტანა.
ფრეს ყოველთვის მოგება სჯობს. ეს ხომ აქსიომაა. გუშლემატკივარი ალბათ ჩვენგან დიდი სხვაობით გამარჯვებას ელოდა, მაგრამ ეს ფეხბურთია. გერმანიაში ნებისმიერ შემთხვევაში მოსაგებად ჩავალთ.
პირველ ტაიმში გოლი კი გავიტანეთ, მაგრამ მაინც უკმაყოფილო დავრჩი, რადგან რიგ ეპიზოდებში ჭკვიანურად არ ვმოქმედებდით. მეორე ნახევარში ამ მხრივ ვითარება გამოვასწორეთ და გატანილი გოლის გარდა, მინიმუმ 2-3 კარგი შანსიც გვქონდა.
განმეორებით მატჩამდე, პრემიერლიგაში ლიდსთან დაპირისპირება გველის. დორტმუნდთან დღევანდელ მატჩს კიდევ რამდენჯერმე ვნახავთ. სავარაუდოდ ცვლილებებსაც განვახორციელებთ.
გასვლით შეხვედრაში გოლის გატანას აუცილებლდა ვეცდებით“ – აღნიშნა პეპ გვარდიოლამ.
