თანამედროვე ჩოგბურთის დიდ სამეულს, სამეფო სპორტში არაერთი სხვადასხვა სახის რეკორდი დაუმყარებიათ. მიხვდებოდით, საუბარი როჯერ ფედერერზე, ნოვაკ ჯოკოვიჩზე და რაფაელ ნადალზე გვაქვს.
მათ მიღწევებზე ბევრჯერ ითქვა და დაიწერა. საერთაშორისო მედიას კიდევ არაერთხელ მოუწევს მათ სიდიადესა თუ რეკორდებზე წერა, ამჯერად კი ნოლეზე შევჩერდებით.
სერბი სამეფო სპორტის ისტორიაში გახდა ყველა დროის მეორე მეჩოგნე, რომელმაც რეიტინგის პირველ საფეხურზე გადაბმულად მინიმუმ 300 კვირა გაატარა. პირველ ადგილზე 310 კვირით როჯერ ფედერერია, აი მესამეზე კი რაც არ უნდა გაგიკვირდეთ რაფაელ ნადალს ვერ შეხვდებით. 286 კვირით, ის ლეგენდარული ამერიკელი ჩოგბურთელი პიტ სამპრასია.
აქვე ისიც ავღნიშნოთ, რომ თუ ნოვაკ ჯოკოვიჩი 2021 წლის 8 მარტამდე რეიტინგში პირველობას შეინარჩინებს, მაშინ ის როჯერ ფედერერის რეკორდსაც დაამხობს.
