28 წლის სუმოისტი, ჰიბიკირიუ ჰარუ ბაშოზე მიღებული მძიმე ტრავმის შემდეგ გარდაიცვალა. ინფორმაციას იაპონიის სუმოს ფედერაცია ავრცელებს. ჰიბიკირიუ სანდამის დივიზიონში გამოდიოდა. ერთ-ერთი ორთაბრძოლის დროს ის დოჰიოზე უგონოდ დაეცა და მის დასახმარებლად რამდენიმე წუთის განმავლობაში არავინ მისულა.
შეხვედრის დასრულებიდან დაახლოებით 10 წუთში მის დასახმარებლად სხვა სუმოისტები მივიდნენ და ჰიბიკირიუს დარბაზიდან გასვლაში დაეხმარნენ. სასწრაფო დახმარების ჯგუფმა ის კლინიკაში გადაიყვანა, სადაც მას გადაუდებელი სამედიცინო დახმარება აღმოუჩინეს. ჰიბიკირიუს სარეაბილიტაციო პროცესი დამაკმაყოფილებლად მიმდინარეობდა, თუმცა ორი დღის წინ მისი მდგომარეობა დამძიმდა.
სუმოისტი დაუყონებლივ საავადმყოფოში გადაიყვანეს, თუმცა ექიმების ძალისხმევის მიუხედავად მისი გადარჩენა ვერ მოხერხდა. საბოლოოდ, მისი სიკვდილის გამოწვევის მიზეზი მილტვის თრომბოებოლია გახდა.
ჰიბიკირიუს გარდაცვალება კიდევ ერთხელ მიუთითებს იმ უსამართლო და დაუნდობელ წესზე, რომელიც სუმოში მოქმედებს. ტრავმის მიღებიდან რამდენიმე წუთის განმავლობაში რიკიშის დახმარების უფლება არავის აქვს და ამის გამო, არაერთი სპორტსმენი დაზარალებულა.
